Իջեւան քաղաքի բնակիչներից ահազանգ ենք ստացել , որ Աղստեւ գետը պարբերաբար պատվում է փրփուրներով: 2015թ. դեկտեմբերի 29-ին, ժամը 16. 30-ի սահմաններում, մոտ կես ժամ գտնվելով Իջեւանի ավտոգազալիցքավորման ճնշման կայաններից մեկում, Աղստեւի ափին, տեսանք, որ գետն ամբողջությամբ փրփուրներով է պատված:
Մեզ հայտնի չէ, թե որ ձեռնարկությունն է աղտոտում գետը: Այդ ԱԳԼՃԿ-ից մոտ 70 մ վերեւ Իջեւանի գինու գործարանի շենքն է: Նշված ԱԳԼՃԿ-ից էլ կենցաղային աղբ է թափվել Աղստեւի ափ, աղբավայր գոյացնելով:
Ոսկան ՍԱՐԳՍՅԱՆ
