Մայրաքաղաքի բոլոր վարչական շրջաններում չընդհատվող ժամանակացույցով շարունակվում են տեղացած ձյան մաքրման և ձնահեռացման աշխատանքները: Գործընթացում ներգրավվել է համապատասխան մասնագիտացված ձեռնարկություններում առկա ամբողջ տեխնիկան:
Գլխավոր և երկրորդական փողոցներից բացի, աշխատանքներն ընթանում են նաև բակային և միջբակային տարածքներում: Բազմաթիվ տնտեսվարողներ, Երևանի ավագանու որոշման համապատասխան, ձնամաքրման և ձնահեռացման աշխատանքներ են իրականացնում իրենց օբյեկտների հարակից տարածքներում՝ համապատասխան տեսքի բերելով դրանք:
Հարկ է նշել, որ գլխավոր և երկրորդական փողոցներում իրականացվող ձնամաքրման և ձնահեռացման աշխատանքներին որոշակիորեն խոչընդոտում են մայթեզրերին կայանած մեքենաները: Սույնը հաշվի առնելով հորդորում ենք տվյալ մեքենաների վարորդներին հնարավորին արագ ազատել նշված հատվածները՝ աշխատանքներն առավել արդյունավետ կազմակերպելու համար:
Երևանի քաղաքապետարանի տեղեկատվության
և հասարակայնության հետ կապերի վարչություն
