Այսօր կառավարության տարեվերջյան արտահերթ նիստին վարչապետ Հովիկ Աբրահամյանը անդրադարձավ ՀՀ 2015 թվականի տնտեսական ցուցանիշներին: Նրա խոսքերով՝ 2015 թվականը հագեցած էր բազմաթիվ կարեւոր իրադարձություններով, մարտահրավերներով, բայց նաեւ նվաճումներով:
Պարոն Աբրահամյանը առանձնացրեց երեք կարեւորագույն իրադարձությունները՝ առաջինը տնտեսական աճը. «Թեեւ Հայաստանն անմասն չմնաց աշխարհաքաղաքական ու տարածաշրջանային մարտահրավերների բացասական ազդեցությունից, բայց ռեսուրսների եւ ջանքերի կենտրոնացման, կառավարության վստահ եւ ոչ ստանդարտ քայլերի արդյունքում մենք կարողացանք դիմակայել դժվարություններին եւ ապահովել տնտեսական աճ»,- հայտարարեց վարչապետը:
Նա նաեւ նշեց, որ այս տարվա հունվար-նոյեմբերին տնտեսական ակտիվության ցուցանիշը կազմել է մոտ երեք տոկոս, այն դեպքում, երբ տարվա սկզբին հեղինակավոր միջազգային կառույցներն ու փորձագետներն ակնկալում էին զրոյական, իսկ որոշ դեպքերում նաեւ բացասական տնտեսական աճի ցուցանիշ:
Վարչապետը թվարկեց տնտեսության այն ոլորտները, որտեղ աճ է արձանագրվել: Ըստ Հովիկ Աբրահամյանի, գնաճն եղել է ավելի քիչ, իսկ աշխատավարձն ավելի շատ է աճել:
Կարդացեք նաև
Նելլի ԲԱԲԱՅԱՆ
