Aravot.am-ը Հայաստանի ազգային հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանին շնորհավորելով վեցերորդ անգամ Հայաստանի լավագույն ֆուտբոլիստ ճանաչվելու առիթով՝ խնդրեց պատասխանել մի քանի հարցի:
-Ի՞նչ զգացողություն ունես:
-Իհարկե, հաճելի է, երբ աշխատանքդ գնահատվում է: Կփորձեմ հետագայում նույն ոգով շարունակել:
-Քո հարցազրույցներից մեկում ասել էիր, թե լավագույն ֆուտբոլիստ ճանաչվելու համար պարտական ես Հայաստանի ազգային հավաքականին: Կմեկնաբանե՞ս:
Կարդացեք նաև
-Երբ 17 տարեկան էի, առաջին անգամ հրավիրվեցի ազգային հավաքական եւ մի քանի խաղ հետո ամրապնդվեցի իմ ակումբում՝ «Փյունիկում», որտեղ շատ խաղաժամանակ չէի ստանում: Հետզհետե լավ խաղալով «Փյունիկում»՝ մրցելույթներս շարունակեցի ազգային հավաքականում, որտեղից էլ գնացի Դոնեցկի «Մետալուրգ»: Այնտեղից էլ, կարելի է ասել, ցիկլը սկսվեց: Դրա համար եմ շնորհակալ ազգային հավաքականին, որտեղ ինչ էլ լինի, խաղում եմ հաճույքով, Հայաստանի դրոշի համար, ժողովրդի համար, որպեսզի կարողանամ Եվրոպայում էլ լավ հանդես գալ:
Ուզում եմ ասել, որ եվրոպական գրանդ ակումբները ինձ տեսել են Հայաստանի ազգային հավաքականում:
-Որքա՞ն ես մնալու Հայաստանում:
– Հունվարի 1-ին վերադառնում եմ Դորտմունդ: «Բորուսիան» մարզումները վերսկսում է:
Աշոտ ՀԱԿՈԲՅԱՆ
