Վարչապետ Հովիկ Աբրահամյանը երեկ ընտրվել է Երևանի տնտեսագիտական համալսարանի կառավարման խորհրդի նախագահի պաշտոնում: Ավելի ճիշտ՝ Հովիկ Աբրահամյանը վերընտրվել է:
Հիշեցնենք, որ սա այն համալսարանն է, որտեղ իր թեկնածուականի «գաղտնի» պաշտպանությամբ աչքի ընկավ Տարոն Մարգարյանը, և որի գաղտնիությունը լրագրողների աչքից ապահովեցին հայտնի «սաքուլիկները»:
Դժբախտաբար, Հայաստանի պետական տնտեսագիտական համալսարանը Հայաստանի հասարակական կյանքում, տնտեսա-քաղաքական կյանքում աչքի է ընկել սրանով, թեև տրամաբանությունը հուշում է, որ հատկապես ծանրագույն տնտեսական պայմաններում, ծանրագույն մարտահրավերների պայմաններում գտնվող երկրում տնտեսագիտական համալսարանը պետք է աչքի ընկներ տնտեսական կյանքի ակտիվ, բովանդակային դիսկուրս խթանելով, տնտեսական գաղափարներ, նոր, կրեատիվ գաղափարներ գեներացնելով, տնտեսական մտքի հարստացմամբ:
Ըստ որում՝ ասել, որ համալսարանը չունի սրա պոտենցիալը, մեղմ ասած, սխալ կլինի, քանի որ տնտեսագիտական համալսարանում կան իսկապես բազմաթիվ շնորհալի և՛ դասախոսներ, և՛ ուսանողներ: Պարզապես, ինչպես ողջ Հայաստանում, այնպես էլ այստեղ ասպարեզը նրանցը չէ, ասպարեզը «սաքուլիկներինն» է, քանի որ կառավարման խորհրդի նախագահն էլ Հովիկ Աբրահամյանն է: Եվ այստեղ տեղի է ունեցել այս համահունչ իրավիճակի վերարտադրություն, քանի որ այլ կերպ լինել չէր էլ կարող:
Կարդացեք նաև
Մուսա ՄԻՔԱՅԵԼՅԱՆ
Հրապարակումն ամբողջությամբ՝ «Ժամանակ» թերթի այսօրվա համարում:
