Aravot.am-ը Շիրակի մարզպետ Ֆելիքս Ցոլակյանին հարցրեց, թե ի՞նչ կցանկանար հայ ժողովրդին 2016 թվականին: «Առաջին հերթին խաղաղություն եմ ցանկանում, երկրորդ՝ բարեկեցություն, շատ եմ ուզում, որ կյանքը փոխվի դեպի լավը, ցանկանում եմ, որ մարդիկ չունենան այն խնդիրները, որոնք ունեն այսօր, համենայնդեպս, գոնե պակասեն», -ասաց մարզպետը:
Շիրակի ոստիկանապետ Գրիշա Ամիրխանյանն էլ, որը 11 ամիս է, ինչ պաշտոնավարում է այս մարզում, ցանկացավ, որ շիրակցիներն ապրեն անհոգ, մարդկանց դեմքերին միշտ ժպիտ լինի, ու Աստծո ձեռքը անպակաս լինի հայ ժողովրդի գլխից:
Կարդացեք նաև
Շիրակի մարզի ընդհանուր իրավասության դատարանի նախագահ Գագիկ Հովհաննիսյանն էլ ասաց. «Իմ Շիրակի աշխարհի՝ իր պատվախնդրությամբ, նամուսով, թասիբով աչքի ընկնող ժողովրդին ցանկանում եմ տոկունություն, համբերություն: Ուզում եմ, որ ապրեն հավատով, երբեւէ չընկճվեն, որովհետեւ ընկճվածությունը մեզ չի սազում, ապրեն հավատով, որովհետեւ առաջիկայում մեզ շատ ու շատ հաղթանակներ են սպասվում, լուսավոր ապագա է լինելու: Թող երբեք չարտագաղթեն, լավ է լինելու»:
Նունե ԱՐԵՎՇԱՏՅԱՆ
