«Իրատես de facto»-ի զրուցակիցն է քաղաքական վերլուծաբան Վիգեն Հակոբյանը
-Եթե ամփոփենք Լեռնային Ղարաբաղի շուրջ զարգացումները տարեկան կտրվածքով, երկու նախագահների առաջին ու վերջին հանդիպումը Բեռնում բանակցությունների թեմայի փոփոխություն բերե՞ց։
– Բեռնի հանդիպումը արձանագրեց, որ բանակցությունների թեման նահանջ է ապրել։ Պաշտոնական տեղեկատվության հենքի վրա՝ բանակցվում են ոչ թե հիմնահարցի կարգավորման ճանապարհները, այլ հրադադարի խախտման դեպքերը՝ հրադադարը պահպանելու համար։ Սա արդեն իրավիճակային քննարկում է, ոչ թե ռազմավարական բանակցվող սկզբունքների մանրամասների վերաբերյալ, որոնց մեջ է սատանան:
– Հայաստանը ՀԱՊԿ-ում նախագահում է, դա ՀՀ նախագահին հիմքեր տալի՞ս էր համարյա հեղափոխական աննախադեպ ելույթի, երբ տարիներ շարունակ նույն վարքագիծը հանդուրժվել է:
Կարդացեք նաև
– Առաջին անգամ Հայաստանը փորձում է իր ռուսամետ գծի համար փոխհատուցում ստանալ, այսինքն՝ ընդամենը փորձում է անել այն, ինչ ՀԱՊԿ և ԵԱՏՄ յուրաքանչյուր երկիր միշտ է անում։ Արտաքին քաղաքական դաշտում առաջին անգամ Հայաստանը ցույց տվեց, որ իր դաշնակցային պարտավորությունների կատարման դիմաց պահանջելու է հասանելիքը՝ սա առաջին։ Երկրորդ՝ ինչ ասաց Սերժ Սարգսյանը, ձեռնտու էր Պուտինին։ Շատ վաղուց Ռուսաստանում մեծ դժգոհություն կա Բելառուսից ու Ղազախստանից, հատկապես ռուս-թուրքական կոնֆլիկտից հետո: Սերժ Սարգսյանը ոչ միայն մեր հարցը բարձրացրեց, այլև ասաց այն, ինչ Պուտինը պիտի ասեր:
Զրույցը՝ Անահիտ ԱԴԱՄՅԱՆԻ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
