Ավարտվող տարվա գլխավոր առանձնահատկություններից մեկն անկասկած այն էր, որ Հայաստանը մաս կազմեց Եվրասիական տնտեսական տարածքին։ Չնայած մինչեւ անդամագրումը ԵԱՏՄ հետ կապված մեծ հույսեր կային, այնուհանդերձ դրանք գոնե առայժմ չարդարացան։
Չհաջողվեց ոչ միայն հասնել նոր տնտեսական տարածքում հայկական ապրանքների իրացման ընդլայնմանը, այլեւ դրանց ծավալները զգալիորեն կրճատվեցին։ Չիրականացան մաքսատուրքերի ավելացման հաշվին բյուջեի եկամուտների համալրման ակնկալիքները։ Հայաստանը դեռեւս հեռու է ներդրումային հարթակ դառնալուց օտարերկրյա կապիտալի համար՝ ԵԱՏՄ շուկաներ մուտք գործելու ճանապարհին։
Այս տարի Ռուսաստանը բախվեց լուրջ խնդիրների։ Սահմանված տնտեսական պատժամիջոցները եւ նավթի գների կտրուկ անկումը մեծապես հարվածեցին Ռուսաստանի տնտեսությանը, ինչի հետեւանքներն անուղղակիորեն փոխանցվեցին նաեւ անդամ մյուս երկրների տնտեսություններին ու ֆինանսական համակարգերին։
Կանխատեսվում է, որ այս տարի ՌԴ-ում տնտեսական անկումը կլինի առնվազն 4 տոկոսի սահմաններում։ Արդյունաբերության մեջ անկումը 3,3 տոկոս է։ Գնաճը հասել է 16 տոկոսի, իրական աշխատավարձի կրճատումը մոտենում է 10 տոկոսին։ Մանրածախ առեւտրաշրջանառության ֆիզիկական ծավալները նվազել են ավելի քան 9 տոկոսով։ Միակ ոլորտը գյուղատնտեսությունն է, որտեղ այնուհանդերձ մի փոքր աճ կա։
Կարդացեք նաև
Տնտեսական գործընթացները դրական չէին նաեւ ԵԱՏՄ անդամ այլ երկրներում։ Գրեթե համանման դրսեւորումներ եղան նաեւ Ղազախստանում, մի տարբերությամբ, որ այս դեպքում զարգացումներն ավելի մեղմ են։ Արդյունաբերության մեջ գրանցվեց 1,5 տոկոսանոց անկում։ Բնակչության եկամուտները կրճատվեցին գրեթե 6 տոկոսով։ Տնտեսական գործընթացները չփայլեցին նաեւ Բելառուսում։
Հ.ՍԱՀԱԿՅԱՆ
Հոդվածն ամբողջությամբ կարող եք կարդալ «Հայոց աշխարհ» թերթի այսօրվա համարում
