Ադրբեջանն արդեն տանկերից է կրակում հայկական սահմանին, այս իրավիճակում ի՞նչ կարող է անել Ռուսաստանն, «Ա1+»-ի հարցին ի պատասխան ԵԱՀԿ երևանյան գրասենյակի ղեկավար, դեսպան Անդրեյ Սորոկինը նշեց. «Ես այստեղ ներկայացնում եմ ԵԱՀԿ-ն, ոչ թե Ռուսաստանը, և ինձ այս դեպքում բարդ է ասել։ Մինսկի խումբը և ԵԱՀԿ նախագահի հատուկ ներկայացուցիչ Անդրեյ Կասպրշչիկը զբաղվում են այս հարցերի լուծմամբ։ Հուսանք, որ Նոր տարին կբերի շոշափելի դրական տեղաշարժ այս հարցում»։
Իսկ սահմանին տեղի ունեցող դեպքերի ուսումնասիրման նպատակով մեխանիզմներ գտնելու, հանձնաժողով ձևավորելու առնչությամբ նա նշեց. «Կարող եմ հույս հայտնել, որ դա կիրականացվի։ Հայկական կողմը միշտ պաշտպանել և պաշտպանում է այդ առաջարկը, իսկ ադրբեջանական կողմը՝ կասեցնում։ Հուսանք, որ առաջիկա տարում այդ մեխանիզմը կգործի»։
Մանրամասներին կարող եք ծանոթանալ` «Ա1+»-ի կայքում
