Համալիրի շուրջ մեքենայությունները չավարտվեցին: Շուտով հայտնի դարձավ, որ Արմեն Գեւորգյանը «ՆՏԱԱ ինվեստմենտ գրուպ» ընկերությունը վաճառել է ոմն Վահագ Դինո Ավադիսյանի, որի անունը համառորեն շրջանառվում է ԱՄՆ-ում կատարված ֆինանսական խարդախություններում։ «ՀԺ»-ի թղթակիցը մեկնաբանություններ էր խնդրել ՀՀ կառավարությունից՝ Մարզահամերգային համալիրի հետ տեղի ունեցած այս պատմության վերաբերյալ։ «ՀՀ կառավարությունը պայմանագիրը կնքել է «ՆՏԱԱ Ինվեստմենտ գրուպ» ընկերության հետ, եւ ՀՀ կառավարության համապատասխան որոշման ընդունման պահին «ՆՏԱԱ Ինվեստմենտ գրուպ» ընկերության սեփականատերը եղել է Արմեն Զավենի Գեւորգյանը։ Ուստի Ձեր կողմից հիշատակված անձի հետ կապված որեւէ առնչություն, հետևաբար նաև մեկնաբանություն ՀՀ կառավարությունը չունի»,- պատասխանել են կառավարությունից։
Կառավարությունը «առնչություն», «մեկնաբանություն», հասկանում ես, չունի։ Կառավարության իսկի կոճակին էլ չի, թե ՄՀՀ-ն հիմա ում սեփականությունն է։
Իրականում վերը նշված անձինք ընդամենը քողածածկույթ են։ ՄՀՀ-ի իրական սեփականատերը բոլորովին այլ անձ է՝ ՀՀ բարձրաստիճան, շատ բարձրաստիճան, նույնիսկ կարելի է ասել ամենաբարձրաստիճան պաշտոնյա։ Ուղղակի ապացույցներ առայժմ չկան, բայց ժամանակը, թերեւս, ամեն ինչ կդնի իր տեղը։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
