Այսօր տեղի ունեցավ մարդկանց թրաֆիքինգի եւ շահագործման դեմ պայքարի լուսաբանման ամենամյա մրցանակաբաշխությունը, որը նախաձեռնել է ՀՀ մարդկանց թրաֆիքինգի եւ շահագործման դեմ պայքարի հարցերով խորհուրդը, որ ղեկավարում է փոխվարչապետ Վաչե Գաբրիելյանը:
Նշենք, որ մրցույթը կազմակերպվել է «Ինֆորմացիայի ազատության կենտրոնը»: Կազմակերպիչների ներկայացմամբ՝ մրցույթը նպատակ ունի խրախուսել լրագրողներին, որոնք անդրադառնում են մարդկանց թրաֆիքինգի երեւույթին, հանրությանը տեղեկացնում են դրա բացասական ազդեցությունների մասին մատնացույց անում ելքերը:
Այս տարի մրցույթի հեռուստատեսության եւ ռադիո անվանակարգում 1-ին եւ 3-րդ տեղեր չեն շնորհվել, իսկ 2-րդ տեղը զբաղեցրել է «Երկիր Մեդիա» հեռուստաընկերության լրագրող Կարինե Մանգասարյանը՝ «Հայաստանը թրաֆիքինգի դեմ պայքարում հաջողություններ է գրանցում» նյութի համար:
Կարդացեք նաև
«Տպագիր եւ առցանց լրատվամիջոցներ» անվանակարգում 1-ին տեղը շնորհվել է «Արտակարգ» թերթում հրապարակված «Թրաֆիքինգ. Իսկական ստրկություն» նյութի համար: 2-րդ տեղը զբաղեցրել է «Yerevan.today» առցանց լրատվամիջոցի խմբագրակազմը: Մրցանակակիրները ստացան հավաստագրեր եւ դրամական պարգեւներ:
Լուսինե ԲՈՒԴԱՂՅԱՆ
