Միացյալ Ազգերի Կազմակերպության (ՄԱԿ) գլխավոր քարտուղար Բան Կի Մունը հույս է հայտնել, որ Հայաստանի ու Ադրբեջանի նախագահների հանդիպումն այդ երկրներին կմոտեցնի խաղաղ բանակցային գործընթացին:
ՄԱԿ-ի կայքում հրապարակված հաղորդագրությունից տեղեկանում ենք, որ Բան Կի Մունը կարծիք է հայտնել, թե «գագաթնաժողովը երկու կողմերին հնարավորություն կտա քննարկել հրադադարի պահպանման ռեժիմը խախտելու եւ քաղաքացիականների շրջանում զոհերի դեպքերը կրճատելու ուղղությամբ գործնական քայլեր եւ մշակել խաղաղ գործընթացը մոտեցնելու ճանապարհ»:
ՄԱԿ-ի գլխավոր քարտուղարը նաեւ առանձնացրել է ԵԱՀԿ Մինսկի խմբի համանախագահների գործունեությունը, որոնք կազմակերպել են այդ գագաթնաժողովը Շվեյցարիայում: Նա կոչ է արել Երեւանին եւ Բաքվին սերտ համագործակցել Մինսկի խմբի հետ լարվածությունը թուլացնելու համար, ինչպես նաեւ զերծ մնալ գործողություններից, որոնք կարող են բերել նոր բռնության:
Պատրաստեց Աշոտ ԻՍՐԱԵԼՅԱՆԸ
Կարդացեք նաև
