ԱԺ ֆինանսատնտեսական հանձնաժողովի նախագահ, Հանրապետական Գագիկ Մելիքյանի կարծիքով՝ մեր դրամին առայժմ ոչինչ չի սպառնում. «Այսօր ճնշումներ մեր դրամի վրա դեպի նվազեցում չկա»:
Պարոն Մելիքյանը տեղյակ է, որ օրերս Ամերիկայի ֆեդերալ ռեզերվային համակարգը թանկացրել է իր դոլարը, որի հետեւանքներն աշխարհի բոլոր արժույթները կզգան, մենք էլ հեռու չենք մնա այդ ազդեցությունից. «Բայց այդքան արագ այդ ազդեցությունը Հայաստան չի հասնի, եւ այնքան զգալի չի լինի, որքան, երբ այդ պրոցեսները կապված են նավթի հետ»:
Մեր դրամն, ըստ պատգամավորի, դոլարի հարաբերությամբ արժե հենց այնքան, որքան այսօր արժե. «Շատ տնտեսագետներ, բավականին հարգված տնտեսագետներ, ամիսներ առաջ կանխատեսում էին, որ մեր դրամը պետք է արժեզրկվի 500 եւ ավելի, 560 նույնիսկ դրամ մեկ դոլարի համար: Իրողությունն այն է, ինչ-որ մենք այսօր տեսնում ենք: Եվ մոտ ապագայում, որովհետեւ մեծ հեռանկարի համար շատ դժվար է կանխատեսել, մոտ ապագայում ես չեմ տեսնում ազգային արժույթի կտրուկ վայրիվերում»:
Մանրամասն՝ կարդացեք այստեղ
