Վեց ամիս առաջ՝ հունիսի 21-ին, Երեւանում ՄԱԿ-ի գրասենյակում նշվեց յոգայի միջազգային օրը: Անցել է կես տարի եւ Հնդկաստանի դեսպանատան նախաձեռնությամբ Հայաստանի յոգայի վարպետները կրկին հավաքվել էին, այս անգամ «Երեւան Մոլում»:
Յոգայի վարպետ Սվետլանա Ավագյանը Aravot.am-ին ասաց. «Այս ֆլեշ մոբը կազմակերպվել է, որպեսզի յոգան մարդկանց մեջ տարածենք որպես առողջ ապրելակերպի եւ հանգիստ խղճի միջոց: Դեկտեմբերը սթրեսային ամիս է համարվում, իսկ դեկտեմբերի 21-ի գիշերը ամենաերկարն է տարվա մեջ եւ լույսի պակաս կա: Մեր այսօրվա միջոցառման կարգախոսն է՝ սեր, լույս եւ խաղաղություն, որն ուզում ենք մարդկանց սրտերում տարածել յոգայի միջոցով»:
Աշոտ ՀԱԿՈԲՅԱՆ
