Հաճախ մենք ականատես ենք լինում, թե ինչ է կատարվում կառավարության շենքի կամ Ազգային ժողովի մոտ, երբ պատգամավորները, մեր բարձրաստիճան պաշտոնյաները ժամանում են: Նրանց շքեղ ծառայողական մեքենաները իրենց ուղեկցողների ավտոշարասյան հետ մի մեծ աժիոտաժ են առաջացնում տարածքում, խաթարում երթեւեկությունը: Անվտանգության աշխատողները երբեմն ուղեկցում են նրանց մինչեւ դուռը, բացում դռները նրանց համար: Օրերս էլ ականատես եղանք, թե ինչպես են անգամ վերելակի կոճակը սեղմում, որ «շեֆը» նեղություն չքաշի:
Լուսանկարում պատկերված է Գերմանիայի Բունդեսթագի հարեւանությամբ գտնվող կայանատեղին: Բազմաթիվ բարձրաստիճան պաշտոնյաներ այստեղ երթեւեկում են հեծանիվներով: Հանգիստ գալիս են, ամրացնում հեծանիվները տարածքում եւ մտնում աշխատանքի:
Այնտեղ ամեն ինչ հարմարեցված է հեծանվով երթեւեկելու համար՝ ճանապարհների վրա հատուկ գծանշումով առանձնացված է նրանց տեղը, լուսակրի վրա առանձին լույս կա: Մարդիկ հեծանվով ուղիղ կարողանում են մտնել անգամ մետրո:
Պատկերացրեք՝ ինչ կկատարվեր Բունդեսթագի մոտ, եթե այնտեղ էլ օրենսդիր մարմնի բոլոր ներկայացուցիչները մտածեին «հայավարի»:
Լուսանկարը՝ ՀՌԻՓՍԻՄԵ ՋԵԲԵՋՅԱՆԻ
Կարդացեք նաև
«Առավոտ» օրաթերթ
19.12..2015
