Հայաստանյան իրականության մեջ և ընդհանրապես արտաքին քաղաքական դաշտում եռանախագահների ֆորմալ հանդիպումները ոչ մի դրական տեղաշարժի չեն հանգեցրել, չենք էլ խոսում ԵԱՀԿ Մինսկի խմբի գործունեության մասին՝ անարդյունավետ մեխանիզմներ է կիրառում սահմանային միջադեպերի կարգավորման հարցում:
Ֆորմալ հանդիպումները եռակողմ, երկկողմ Հայաստանի, Ադրբեջանի, Թուրքիայի միջև, ինչպես նաև Ռուսաստանի և մի շարք միջազգային կառույցների միջնորդությամբ իրականացվելիք հանդիպումները դեռևս իրենց հանգուցալուծումը չեն ստացել և մենք այսօր էլ ականատես ենք լինում թե ինչ է տեղի ունենում մեր սահմաններում՝ տալով բազմաթիվ անմեղ զոհեր: Երբևէ որևէ ժամանակաշրջանում ոչ մի ֆորմալ հանդիպում խնդիր չի լուծել և չի փոխել դրությունն, այդպես էլ մեր դեպքում է տեղի ունենում:
Եթե մենք նախկինում նշում էինք, որ միջազգային քաղաքական հարթակում հարցեր բարձրացնելիս ֆորմալ հանդիպումները որոշակի ազդեցություն էին ունենում, իսկ հիմա քաղաքական գործոնին ավելացել է նաև տնտեսական գործոնը և տնտեսական որոշակի ռեսուրսների տիրապետելը փաստում է մերօրյա դրության անարդյունավետ կառավարումը:
Ադրբեջանը տնօրինում է տնտեսական ռեսուրսների և չնայած այն հանգամանքին,որ տոտալիտար ռեժիմ է տիրում երկրում, մարդու իրավունքների ցածր մակարդակ կա և բացակայում են ժողովրդավարության տարրերը, սակայն նա ազդեցություն է ունենում գերտերությունների վրա և իր ռեսուրսներով հօգուտ իրեն խնդիրներ է կարգավորում:
Կարդացեք նաև
Տոտալիտար ռեժիմում արտաքին քաղաքականության մարտահրավերների լուծման տարբերակները հետևյալն են՝ ռազմական ուժի կիրառում, տնտեսական լծակների կիրառում:
Ադրբեջանական քաղաքականությունը հիմնված է պոպուլիզմի վրա, չկան ոչ մի գործնական մեխանիզմներ: Այս են վկայում սահմանային միջադեպերը, սահմանային խախտումները, որոնց դիմաց մենք հորդորներ ենք հղում, ԵԱՀԿ Մինսկի խումբը՝ նույնպես: Սակայն այս հորդորները արդյունավետ չեն և լուրջ լծակներ չեն կարող հանդիսանալ քաղաքական հարաբերությունների կարգավորման հարցում:
Եռանախագահները հանդես են եկել Արցախի հակամարտության կարգավորման գործընթացի վերաբերյալ համատեղ հայտարարությամբ՝ ըստ որի «Այս տարի բռնությունների զգալի ավելացումը շփման գծում և հայ-ադրբեջանական սահմանում անկայուն է դարձրել ստատուս-քվոն»:
Կայունության վերականգնումը Մինսկի խմբի նպատակն է, սակայն մեր օրերում տեղի ունեցող իրադարձությունները փաստում են, վերոնշյալ նպատակը իրականացումը գործնական հարթակի վրա դրված չէ:
Մեր պետությունը փոքր և ոչ ազդեցիկ դերակատար է միջազգային քաղաքական թատերաբեմում և մեր խոսքը լսելի դարձնելու համար մեզ անհրաժեշտ է հզորանալ, տիրապետել տնտեսական ռեսուրսների, չենթարկվել և գերտերություններին, նրանց կողմից առաջարկվող խայծը կուլ չտալ և մեզ առնչվող հարցերին տալ հստակ լուծումներ, առանց արտաքին ուժերի միջամտության:
«Երիտասարդների կողքին» երիտասարդական շարժման ղեկավար
Աղվան ՊՈՂՈՍՅԱՆ
