Այսօր կառավարության հրավիրած ԱԺ արտահերթ նստաշրջանը սկսեց հայտարարությամբ: Վերջին օրերին ղարաբաղա-ադրբեջանական շփման գծի տարբեր հատվածներում հակառակորդը կրկին դիմել է դիվերսիոն գործողությունների:
ԱԺ նախագահ Գալուստ Սահակյանն այս առնչությամբ հայտարարեց. «Հայկական զինուժը, ձեռնարկելով առնվազն համարժեք գործողություններ՝ հակահարված տալով հակառակորդին հասցնելով կորուստներ՝ նրան ետ է շպրտել ելման դիրքերը: Եթե խաղաղությունը բանակցությունների լեզվով անհասկանալի է մեր դավադիր հարեւանին, մենք պատրաստ ենք դա բացատրել նաեւ այլ միջոցներով ու այլ լեզվով, ինչը մեր մարտունակ զինված ուժերը բազմիցս ապացուցել են: Դա ավելի ցավագին կլինի նրանց համար: Ցավոք, հակառակորդի վերջին դիվերսիաների հետեւանքով ունենք նաեւ կորուստներ»:
ԱԺ նախագահը խնդրեց մեկ րոպե լռությամբ հարգել մեր զոհված հերոսների հիշատակը, ովքեր իրենց կյանքով պաշտպանեցին հայրենի հողն ու բոլորիս անվտանգությունը:
Հետո քվեարկության դրվեցին ԱԺ արտահերթ նստաշրջանում քննարկված կառավարության նախագծերը: «Դեղերի մասին» օրենքին դեմ քվեարկեց 5 պատգամավոր, կողմ՝ 95, ձեռնպահ՝ 3:
Կարդացեք նաև
Գյուղատնտեսական կոոպերատիվների մասին օրինագիծը, որին դեմ էին ՕԵԿ-ը, ՀՅԴ-ն, ԲՀԿ-ն, ընդ որում, վերջին անվանել էր այդ նախագիծը «փնթի», ամբողջությամբ ընդունվեց 67 կողմ-ով: ԲՀԿ-ի պատգամավորները ձեռնպահ քվեարկեցին:
Հռիփսիմե ՋԵԲԵՋՅԱՆ
