«Հայաստան» մարզական ՀԿ դահլիճում կայացած մրցաշարին մասնակցեցին անցած շաբաթ կայացած հայկական թենիսի երախտավորներ Գեղամ Վարդանյանի եւ Հարություն Հակոբյանի հուշամրցաշարերի արդյունքներով 12-ական լավագույն աղջիկներն ու տղաները: Ընդ որում, հենց նրանք են կազմում Հայաստանի հավաքականների հիմնական կորիզը:
Երկու օր տեւած պայքարի արդյունքում հաղթողներ եւ մրցանակակիրներ դարձան:
Աղջիկներ. 1. Հասմիկ Խաչատրյան, 2. Լուիզա Նազարյան, 3. Ռուբինա Վարդանյան:
Տղաներ.1. Ալեքսանդր Դիարյան, 2. Հարություն Հարությունյան, 3. Մեսրոպ Ղուկասյան:
Մրցանակային եռյակներն արժանացան սեղանի թենիսի ֆեդերացիայի մեդալների, դիպլոմների եւ հուշանվերների: «Քրոնիմետ» բարեգործական հիմնադրամն իր հերթին սահմանել էր 1,2 միլիոն դրամ մրցանակային ֆոնդ, որը բաշխվեց նրանց միջեւ: Ֆեդերացիայի հովանավոր հիմնադրամը սահմանել էր նաեւ դրամական երկու հատուկ մրցանակ՝ մարզաձեւը զարգացնելու գործում ունեցած ներդրման համար: Առաջինը շնորհվեց Ֆելիքս Սարգսյան-Գոհար Խանզրատյան ընտանիքին, երկրորդը՝ մրցաշարի հայտնություն երիտասարդ մարզիչ Մհեր Սիմիկյանին:
Աշոտ ՀԱԿՈԲՅԱՆ
