Հունվարի 12-ին Գյումրիում տեղի ունեցած ոճրագործությունը, որը ցնցեց հայ հասարակությանը, մտավ դատաքննության փուլ։ Դատական առաջին նիստը, որը կայացավ երեկ, ինչպեսեւ սպասվում էր, իր վրա էր բեւեռել ողջ հանրության ուշադրությունը։ Հանցագործին այդպես էլ ՀՀ իրավապահներին չհանձնած ռուսները որոշեցին, որ դատավարությունն էլ պետք է ընթանա ռուսական ռազմաբազայում, որտեղ իրենց ազգի տականքն ավելի պաշտպանված կլինի։ Եվ Շիրակի մարզի դատավոր Հարություն Մովսեսյանն ստիպված էր գնալ ռուսական 102-րդ ռազմակայան՝ դատը վարելու։
Սակայն ռազմաբազայի դատարանի դահլիճը հարմար չէր, եւ պարզվեց՝ չի կարող այդքան մեծ թվով մարդկանց տեղավորել։ Ռուսական կողմը «մեծահոգաբար» վրաններ էր տեղադրել, որպեսզի ցանկացողներն այնտեղից հետեւեին դատական պրոցեսին, ինչը գյումրեցիներն իրենց նկատմամբ ծաղր էին դիտարկել եւ չէին եկել։ Իսկ նիստն սկսվելուն պես էլ պարզվեց, որ տուժողների ներկայացուցիչներին թույլ չեն տվել ավտոմեքենաները կայանել բազայի տարածքում՝ ստիպել էին, որ իջնեն եւ ոտքով հասնեն դահլիճ։
Տուժողների իրավահաջորդները դուրս եկան դահլիճից եւ ապա ետ վերադարձան փաստաբանների հետ միասին։ Նիստն սկսվեց փաստաբանների առարկություններով եւ դժգոհությամբ՝ դատավարության պայմանների հետ կապված։
Արմինե ՕՀԱՆՅԱՆ
Կարդացեք նաև
Հրապարակումն ամբողջությամբ՝ «Հրապարակ» թերթի այսօրվա համարում:
