Երբ դուք թողնում եք ծխելը, ձեր մարմինը սկսում է ազատվել ծխելու՝ տարիների ընթացքում ձեռք բերած հետեւանքներից, այսինքն՝ բուժել ինքն իրեն:
Ծխելը դադարեցնելը կարող է կտրուկ բարելավել ձեր կենցաղն ու առողջությունը: Ահա՛, թե ինչ դրական փոփոխություններ կկատարվեն, եթե դուք թողնեք ծխելը` ըստ Stay on the Healthy Path.com-ի.
– 20 րոպեում ձեր արյան ճնշումը կիջնի՝ հասնելով նորմալի:
-2 ժամ հետո ախորժակի մեծացում կնկատվի, թեեւ ծխելու մեծ ցանկություն եւս կունենաք:
Կարդացեք նաև
-8 ժամում ձեր արյան շրջանառության մեջ ածխածնի օքսիդի մակարդակը կկրճատվի կիսով չափ, եւ թթվածնի մակարդակը կվերադառնա նորմալի:
– 48 ժամում սրտի կաթված ստանալու շանսերը կնվազեն: Ողջ նիկոտինը կհեռանա օրգանիզմից, եւ համի ու հոտի զգայարանները կգործեն նորմալ ձեւով:
– 72 ժամում ձեր շնչառական ուղիները կհանգստանան եւ կբարձրանա էներգետիկ մակարդակը:
– 2 շաբաթվա ընթացքում արյան շրջանառությունը կարագանա եւ կշարունակի բարելավվել հաջորդ 10 շաբաթների ընթացքում:
– 3-9 ամիսների ընթացքում հազալը, դժվար շնչելը եւ ընդհանուր շնչառական խնդիրները կնվազեն, որպես արդյունք՝ ձեր թոքերի տարողությունը կաճի 10%-ով:
-5 տարի չծխելու դեպքում կաթված ստանալու հավանականությունը հավասարվում է չծխողների՝ կաթված ստանալու հավանականությանը:
-10 տարի չծխելու դեպքում թոքերի քաղցկեղ ստանալու հավանականությունը դարձյալ հավասարվում է չծխողների՝ թոքերի քաղցկեղ ստանալու հավանականությանը:
Չծխողները, միջին հաշվով, 14 տարով ավելի երկար են ապրում, քան ծխող մարդիկ:
Պատրաստեց ՆՈՒՆԵ ՂԱԶԱՐՅԱՆԸ
«Առավոտ» օրաթերթ
18.12..2015
