Դեկտեմբերի 17-ին Վրաստանի Մառնեուլիի շրջանի Թեքալի գյուղում հասարակական լսումների ժամանակ իր զեկուցման մեջ ադրբեջանցի քաղաքագետ Ահմադ Ալիլին ղարաբաղյան հակամարտության լուծման վերաբերյալ նշեց . «2011թ. Կազանի հանդիպումից (Սերժ Սարգսյանի եւ Իլհամ Ալիեւի) հետո ոչ մի առաջխաղացում չկա: Կազանյան հանդիպումը մի կետ, հոգեբանական գագաթնակետ էր, որից բոլորը մեծ ակնկալիքներ ունեին: Բայց ոչինչ չստացվեց: Այդ հանդիպումից հետո հայտարարվեց, որ կողմերը պայմանավորվել են շարունակել գործել այդ ուղղությամբ:
2011 թվականին, Կազանի հանդիպումից հետո ադրբեջանական կողմը այսպիսի ձեւակերպում հնչեցրեց՝ հանդիպում հանուն հանդիպման չի կայանա: Դա դիվանագիտական կարգավորման խզման պահ էր, որից հետո եղավ դիվանագիտական ճգնաժամ: Խոսելով ադրբեջանական հասարակության մասին… հասարակության համար այլեւս պատերազմը երեւում է որպես հաջորդ փուլ: Նրանք, ովքեր չեն հավատում հակամարտության լուծման ռազմական ուղուն՝ դրանք միջազգային միջնորդները կամ 3-րդ կողմն են՝ Եվրամիությանը, ԱՄՆ-ը Ջեյմս Ուորլիքն՝ իր Թվիթերով: Նրանք իրենց ամենայն ջանքերով փորձում են այդ ամենը վերադարձնել դիվանագիտական կարգավորման հուն»:
Ադրբեջանցի քաղաքագետ Ա.Ալիլին կողմ արտահայտվեց հայ-ադրբեջանական հակամարտության կարգավորման գործում քաղաքացիական հասարակության ակտիվ ներգրավմանը, որը, նրա կարծիքով, թույլ կտա ճգնաժամային իրավիճակից ելք գտնել :
Կարդացեք նաև
Ոսկան ՍԱՐԳՍՅԱՆ
