Ինչպես տեղեկացրել ենք, երեկ Կենտրոն եւ Նորք-Մարաշ վարչական շրջանների ընդհանուր իրավասության դատարանում կալանվեց Շահեն Պետրոսյանը, որը Մալաթիայի շրջանի ընդհանուր իրավասության դատարանի նախկին դատավոր Տիգրան Պետրոսյանի որդին է:
Կալանքի որոշումը կայացրած դատավորն է Արմեն Բեկթաշյանը, որի վարույթում էր գտնվում Շահեն Պետրոսյանի քրեական գործը:
Վերջինին մեղադրանք էր առաջադրվել այն բանի համար, որ նա մայրաքաղաքում գործող «Տաշիր» առեւտրի կենտրոնի տաղավարներից մեկում գտնվող «Արմենիա Ռիելիթի» անշարժ գույքի գործակալության սենյակում, իր ազգական Կարեն Մկրտչյանի, աշխատակից Արման Զաքարյանի հետ ամսեկան եկամուտներ ստանալու նպատակով տոկոսով վերցրել է 185.000 ԱՄՆ դոլար, 30 000 եվրո, մի շարք քաղաքացիներից բնակարանների գրավադրման պայմանով, ստացել ահռելի չափի տոկոսադրույքներ:
Նրա հետ մեղադրվում է նաեւ Կարեն Մկրտչյանը:
Կարդացեք նաև
Դատավորը նման որոշման գնացել էր այն բանից հետո, քանի որ ամբաստանյալը բացակայել էր նիստերից: Վերջինիս նկատմամբ մինչ այդ ընտրվել էր ստորագրություն չբացակայելու մասին խափանման միջոցը:
