Օրերս Գերմանիա այցելած հայ լրագրողները Բեռլինի պատմական պատը դիտելու համար բարձրահարկ աշտարակը բարձրանալիս անհարմար իրավիճակում հայտնվեցին: Տեսնելով ազատ, ասես մեզ սպասող վերելակը՝ բնականաբար բարձրացանք վերելակով:
Վերեւում մեզ էին սպասում գերմանացիների ապշած հայացքներն ու կշտամբանքները, թե չե՞ք տեսնում, հաշմանդամության նշան է վրան: Այն հիվանդների եւ հաշմանդամների համար է միայն: Սպանես՝ իրենք չեն օգտվի: Ավտոբուսներում հաշմանդամ մարդկանց համար նախատեսված տեղը երբեք չեն զբաղեցնի, որքան էլ գերբեռնված երթեւեկեն:
Ընդհանրապես Բեռլինն ու Լայպցիգը նախանձելիորեն հարմարեցված են հաշմանդամություն ունեցող մարդկանց:
Եթե Հայաստանում մի նորմալ հասարակական զուգարան չես գտնի, Լայպցիգի փողոցներում սահմանափակ կարողություններով մարդկանց համար այսպիսի հարմարեցված զուգարաններ կան: Փողոցների կահավորանքն ու թեքահարթակները ձեւական չեն, ինչպես մեր երկրում: Ստորգետնյա անցումներում էլ եթե չկա թեքահարթակ՝ կա հատուկ վերելակ:
Կարդացեք նաև
Լուսանկարները՝ ՀՌԻՓՍԻՄԵ ՋԵԲԵՋՅԱՆԻ
«Առավոտ» օրաթերթ
17.12..2015
