Այսօր Ռուսաստանում տեղի էր ունենում ՌԴ նախագահ Վլադիմիր Պուտինի ավանդական ամենամյա մամուլի ասուլիսը։ Ասուլիսի ընթացքում մի քանի ուշագրավ դեպքեր տեղի ունեցան։
Ասուլիսի ընթացքում «Молодой ленинец» շաբաթաթերթի գլխավոր խմբագիր Յուլիա Իսմայիլովան Պուտինին հարցրեց թոշակների մասին: ՌԴ նախագահն արձագանքեց. «Երիտասարդ լենինյանը հարցնում է թոշակների մասին, ապագայի մասին է մտածում»: Գլխավոր խմբագիրն էլ արձագանքեց, որ իրենց ընթերցողների մեծամասնությունն ավագ սերնդի ներկայացուցիչներ են. «Ավագ սերնդի ներկայացուցիչներ են, բայց նրանք երիտասարդ լենինյաններ են, համենայն դեպս»,- կատակեց Պուտինը:
Հարց տալու համար հերթագրված լրագրողներից մեկը ներկայացնում էր Клопс.ру կայքը։ Երբ լրագրողը հնչեցրեց կայքի անունը, Պուտինը հարցրեց. «Ինչպե՞ս»։ Լրագրողը երկու անգամ կրկնեց անունը եւ ավելացրեց, որ դա գերմանական ճաշատեսակի անուն է։
Լրագրողի հարց տալու ընթացքում Պուտինը հետաքրքրվեց, թե այդ ճաշատեսակը կոտլե՞տ է արդյոք, ինչին լրագրողը դրական պատասխան տվեց։
Կարդացեք նաև
Երեք ժամից ավելի լրագրողների հետ զրուցելուց հետո Վլադիմիր Պուտինը ցանկություն հայտնեց ավարտել մամուլի ասուլիսը, սակայն դահլիճում աղմուկ բարձրացավ։ Եվս երկու հարցի պատասխանելուց հետո Պուտինը հայտարարեց, որ ասուլիսը հնարավոր չէ ավարտել, պետք է ուղղակի դադարեցնել։
Varlamov.ru-ն էլ մի քանի ուշագրավ լուսանկարներ է հրապարակել։ Կադրերից մեկում լրագրողը պաստառ է պարզել, որի վրա գրված է «Պեսկովը մեզ չի նկատում»։
Մեկ այլ լրագրողի պաստառի վրա էլ գրված է «Չհամաձայնեցված հարց»։
Լուսանկարներից մեկում երեւում է հաղորդավարուհի Քսենյա Սոբչակը, որը «կալանավորի» շորերով է։
Պատրաստեց Աշոտ ԻՍՐԱԵԼՅԱՆԸ
