Երեւանի քաղաքապետարանը չի կատարում իր վրա դրված նվազագույն պարտականությունները ճանապարհային երթեւեկության կազմակերպման հարցում: Այսօր «Անալիտիկ» մամուլի ակումբում ասաց «Աքիլես» ավտովարորդների իրավունքների պաշտպանության կենտրոն հասարակական կազմակերպության նախագահ Էդուարդ Հովհաննիսյանը:
Վարորդների պաշտպանի վերլուծությունը ցույց է տվել, որ ճանապարհային ոստիկանությունն «ի զորու չէ օպերատիվ արձագանքել հասարակական կազմակերպությունների ու բնակիչների բողոքներին ու առաջարկներին` վերացնել ճանապարհային երթեւեկությունում առկա բազմաթիվ թերությունները. «Մեր կարծիքով, դա բացատրվում է ոչ միայն նյութական ռեսուրսների բացակայությամբ, այլեւ լուսանշան ՓԲԸ-ի զինվածության եւ մարդկային ռեսուրսներ չլինելու պատճառով: Թերություններն այնքան շատ են, որ ճանապարհային ոստիկանությունը մոտակա ապագայում չի կարողանա լուծել այդ խնդիրները»:
Պարոն Հովհաննիսյանի խոսքերով, երթեւեկությունը մեզ մոտ շատ խնդիրներ ունի, քանի որ վարորդներին տուգանում են եւ խախտումները լինում են այն տեղերում, որտեղ չկան երթեւեկությունը կարգավորող նշանները. «Թերությունները շատ են: Մենք նամակներ ենք ուղղել նաեւ Երեւանի քաղաքապետարան: Դրանց մի մասին պատասխանել են, փորձել են շտկել, մի մասին` ոչ»:
Ավտովարորդների պաշտպանի տվյալներով, զոհերի թիվը մեզ մոտ 3 տարվա ընթացքում նվազել է 2.7 տոկոսով. «2015 թվականի ավարտին մենք սպասում ենք 1 միլիոն 8 հարյուր հազար խախտում: 2015 թվականին կա միտում, որ զոհերի թիվը կնվազի, կանխատեսվում է մոտ 277զոհ: Այս ամիսներին զոհերի թիվը շատ է լինում, դրա համար չենք կարող հստակ ասել: Նույնը վերաբերում է վիրավորներին»:
Կարդացեք նաև
Լուսինե ԲՈՒԴԱՂՅԱՆ
