Ավան և Նոր Նորք վարչական շրջանների ընդհանուր իրավասության դատարանում (նախագահող դատավոր՝ Դավիթ Հարությունյան) կրկին հետաձգվեց Ռազմական ինստիտուտում այս տարվա հունվարին դաժանաբար սպանված կուրսանտ Հայկազ Բարսեղյանի գործով դատական նիստը: Ներկա չէին ամբաստանյալ Գնել Թորոսյանի պաշտպան Արա Զաքարյանը և ամբաստանյալ Մովսես Ազարյանի պաշտպան Անահիտ Հովհաննիսյանը: Նախագահող դատավորը հայտարարեց, որ հաջորդ դատական նիստին ստիպված է լինելու սանկցիա կիրառել պատշաճ ծանուցված, բայց բացակա մասնակիցների նկատմամբ: Հաջորդ դատական նիստը տեղի կունենա դեկտեմբերի 24-ին՝ ժամը 11.00-ին:
Նիստից հետո Հայկազ Բարսեղյանի հայրը՝ Արկադի Բարսեղյանը նշեց, որ ձգձգման միտում է տեսնում և կարծում է, որ ընդհանրապես չեն էլ ուզում, որ այս տարի նիստ լինի:
Տաթև ՀԱՐՈՒԹՅՈՒՆՅԱՆ
