Ջրային տնտեսության պետական կոմիտեին հատկացվեց 495,5 միլիոն դրամ: Այս մասին որոշում կայացվեց կառավարության այսօրվա նիստին: «Սա ուղիղ պետք է գնա հոսանքի գումար, պարոն Հարությունյան, առանց որեւէ մի դրամ այս կողմ, այն կողմ անելու»,-կոմիտեի ղեկավարին դիմեց ՀՀ վարչապետ Հովիկ Աբրահամյանը: Ըստ նրա, սա այն գումարն է, որ 6.93 դրամով թանկացավ հոսանքը, 2015 թվականի բյուջեում չէին նախատեսել թանկացման տարբերությունը, ուստի այսօր որոշվեց, որ 459,5 միլիոնը պիտի ուղղվի այդ տարբերությանը:
Գումարը, ինչպես նշվեց նիստի ժամանակ, անհրաժեշտ է սպառողներին վաճառվող էլեկտրական էներգիայի համար սահմանված նոր սակագների 2015 թվականի օգոստոսի 1-ից ուժի մեջ մտնելու հետ կապված ոռոգման համակարգի ընկերություններում գումարների վճարմամբ պայմանավորված առաջացող լրացուցիչ ծախսերի ֆինանսավորման համար:
Նելլի ԲԱԲԱՅԱՆ
