Ուսումնասիրելով բարձրաստիճան պաշտոնատար անձանց եւ նրանց հետ փոխկապակցված անձանց գույքի եւ եկամուտների հայտարարագրերը՝ փորձեցինք պարզել, թե որքան ֆինանսական կարողություն են հայտարարագրել ՀՀ մարզպետները։
Ըստ հայտարարագրերի՝ ամենաշատ դրամական միջոցներն ունի Կոտայքի մարզպետ Կարապետ Գուլոյանը։ Նրա դրամական միջոցները 2014թ.-ին կազմել են 1 մլրդ. 352 մլն. դրամ եւ 94 հազար դոլար, մարզպետի պաշտոնը ստանձնելուց հետո 2015թ. հայտարարագրում 1 մլրդ. 344 մլն. 950 հազար դրամ եւ 82 հազար դոլար։ Այսինքն՝ փոքր-ինչ նվազել են։
Այնուհետեւ առավել շատ դրամական միջոցներով աչքի է ընկնում Արարատի մարզպետ Ռուբիկ Աբրահամյանը։ Նա 2014թ. պաշտոնը ստանձնելիս հայտարարագրել է 7,6 մլն. դրամ, 33 հազար դոլար եւ 15 հազար եվրո, ինչպես նաեւ բեռնատար (բեռնաուղևորատար) ավտոմոբիլային տրանսպորտի միջ «FORD CUORRIER VAN 1.3» մակնիշի։ Տարեվերջին մարզպետի դրամական միջոցները կազմել են 10 մլն. դրամ, 35 հազար դոլար եւ 15 հազար եվրո։ Եկամուտը՝ 3 մլն. 303 հազար դրամ։
Տավուշի մարզպետ Հովիկ Աբովյանի դրամական միջոցները 2014թ. սկզբին եղել են 40 մլն. 200 հազար դրամ, իսկ տարեվերջին՝ 31 մլն. դրամ եւ 110 հազար դոլար։ Թե ինչի վրա է ծախսել իր միջոցները, հայտարարագրում նշված չէ, բացառությամբ ընթացիկ տարվա ընթացքում ձեռք բերված «TOYOTA LAND CRUISER 100 4.5» մակնիշի մարդատար մեքենայի, որը ձեռք է բերել 7,5 մլն. դրամով։ Նշենք, որ հարկային տարում մարզպետի եկամուտը կազմել է 2 մլն. 583 հազար 328 դրամ։
Նելլի ԿԱՐԱՊԵՏՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
