Լուսանկարում պատկերված այս թուրք ընտանիքը Գերմանիայում մի ժամանակավոր կացարանում ցույց է անում՝ ընդդեմ բնակարանների բարձր վարձավճարների: Այնտեղ բնակարանի 1 ամսվա վարձը մոտ 600 եվրո է, ուստի իրենք փողոցում հայտնվելու վտանգի տակ են:
Բողոքի ակցիա անողները հերթով ամեն շաբաթ ընտանիքներով տեղափոխվում են այս կացարանը՝ հրավիրելու կառավարության եւ հանրության ուշադրությունը: Կացարանի պատերին փակցված էին կոչեր՝ ուղղված Անգելա Մերկելին՝ «ոչ ինքնասպասարկմանը», իսկ դռան մոտ տեղադրված էր հանգանակության արկղ: Կառավարությունը խոստացել էր աջակցել՝ փոխհատուցելով վարձավճարների մի մասը: Բայց դա բողոքավորները խնդրի լուծում չեն համարում:
Ուշագրավ է, որ երբ թուրք ընտանիքն իմացավ, որ իրենց խնդիրները լսելու են եկել հայ լրագրողները, սկսեցին պատմել, թե ինչքան լավ բարեկամ ազգեր են հայերն ու թուրքերը. «Բեռլինում էլ մենք ունենք շատ հայ ընկերներ, որոնց հետ ֆուտբոլ ենք խաղում: Այն ամենը, ինչ կատարվում է Հայաստանի եւ Թուրքիայի միջեւ, քաղաքական խնդիրներ են, ոչ անձնական: Մենք ուզում ենք հայերի հետ ապրել միասին՝ խաղաղ: Մենք ձեզ հետ ոչ մի խնդիր չունենք, խնդիր ունեն քաղաքական գործիչները»:
Լուսանկարը՝ ՀՌԻՓՍԻՄԵ ՋԵԲԵՋՅԱՆԻ
Կարդացեք նաև
«Առավոտ» օրաթերթ
16.12..2015
