«Նոր սերունդ» հասարակական կազմակերպությունը դեկտեմբերի 16-ին «Խտրականություն. Առկա հիմնախնդիրները եւ պայքարի միջոցները Հայաստանում» թեմայով քննարկում էր կազմակերպել:
Քննարկման ընթացքում Համագործակցություն հանուն ժողովրդավարության հասարակական կազմակերպության ղեկավար Ստեփան Դանիելյանն ասաց, որ Հայաստանում ամենապիտակավորված կրոնական կազմակերպությունը Եհովայի վկան է, բայց բոլոր դրական զարգացումները պայմանավորված են հենց այդ կազմակերպության հետ. «Եհովայի վկաները շատ հստակ ձեւով աշխատում են դատական գործընթացների միջոցով իրենց խնդիրները լուծելու համար եւ շատ մեծ հաջողություններ ունեն: Եվ գուցե դա պայմանավորված է նրանով, որ Եհովայի վկաների փաստաբանները հիմնականում արտասահմանցիներ են, եւ շատ լավ արդյունքներ ունեն: Այդ արդյունքների հետեւանքով ամենապիտակավորված կազմակերպությունը այսօր ունի շատ հաջողություններ՝ իր խնդիրները լուծելու համար»:
Ստեփան Դանիելյանը նշեց, որ կրոնական կազմակերպությունները խնդիրներ ունեն շինությունների կառուցման հետ կապված. «Շատ կրոնական կազմակերպություններ կարողացել են իրենց պաշտամունքի վայրերը կառուցել, որն առաջ շատ դժվար էր, նույնիսկ Եհովայի վկայի համար էր դժվար: Այս տարիների ընթացքում մի շարք շինություններ՝ պաշտամունքի վայրեր են կառուցվել, սակայն այսօր կան դատական գործընթացներ Երեւանում պաշտամունքի վայրեր կառուցելու համար, Երեւանի քաղաքապետարանը մերժել է Եհովայի վկաներին, եւ այդ դատական գործընթացները շարունակվում են: Բացասական վճիռներ կան, բայց իրենք կհասնեն մինչեւ Եվրոպական դատարան եւ ճանապարհ կբացեն մյուս կազմակերպությունների համար»:
Ամի ՉԻՉԱԿՅԱՆ
Զզվեցինք սրանցից․քնած ես ,կգան ,շտապ դուրս ես գալիս ,էլի ներխուժում են ;Ով՞ պիտի պաշտպանի մեզ էս սատանիստներից։