Երեկ Ազգային ժողովում ՀՀԿ-ական պատգամավոր Ռուզաննա Մուրադյանը Նարեկացի է արտասանել, «Ժառանգության» պատգամավոր Զարուհի Փոստանջյանն էլ ընթերցել է Ռափայել Պատկանյանի «Վարդապետարանը»:
Խորհրդարանական քննարկումները պոեզիայի ժամի վերածելը փայլուն գաղափար է։ Դաշնակներն, օրինակ, իշխանությունների հետ կառուցողական համագործակցության մասին ելույթների փոխարեն կարող են արտասանել «Նանի՛, նանի՛, հա՛ց ենք ուզում», իսկ եթե չօգնի՝ երգել «Մի տաս շահի փող տուր», ՀՀԿ-ականները Սերժ Սարգսյանին տեսնելուն պես կարտասանեն «Ձոն Ստալինին» բանաստեղծությունը, ընդդիմությունն էլ ամեն անգամ հրաժարականի պահանջ ներկայացնելու փոխարեն կարտասանի «Չարի վերջը»։
Իսկ կառավարության հետ հարց ու պատասխանի ժամանակ ամբիոնին մոտեցող բոլոր նախարարները կարտասանեն «Թող ոչ մի զոհ չպահանջվի ինձնից բացի»-ն։
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
