Կառավարությունն առաջարկում է Դատական օրենսգրքում փոփոխություններ եւ լրացումներ կատարել եւ սահմանել օրենսգրքով դատավորներին վերաբերող վարքագծի կանոնները՝ որպես երաշխիք:
Սա ԵՄ-ի հետ ՀՀ-ի իրականացվող ծրագրի պահանջն է:
Այս մասին այսօր ԱԺ արտահերթ նստաշրջանում քննարկման ժամանակ «Ժառանգություն» խմբակցության պատգամավոր Թեւան Պողոսյանը հիմնական զեկուցող, արդարադատության փոխնախարար Արման Թաթոյանից (լուսանկարում) հետաքրքրվեց՝ օրինակ, Մոլդովայի օրինակը չե՞ն ուզում կիրառել: Այնտեղ, երբ դատավորի գործերը քննելուց հետո դիմել են Եվրոդատարան եւ պարզվել է, որ տեղի է ունեցել խախտում, էթիկայի բաղադրիչ կա, որը որոշում է, որ հենց այդ դատավորից պետք է այդ գումարը պահանջեն, նա պետք է ներողություն խնդրի, այլեւս նման գործերով չզբաղվի եւ այլն:
Արման Թաթոյանն ասաց, որ կարգապահական պատասխանատվության մասով մեր օրենսդրությունն արդեն դա կարգավորում է. «Եթե ՄԻԵԴ-ի վճիռ կա, հաստատվել է նաեւ դատավորի վճռի հետեւանքով մարդու իրավունքների խախտման փաստը, արդեն հնարավորություն կա դատավորին պատասխանատվության ենթարկել: Ինչ վերաբերում է գումար գանձելուն, իրականում սա միջազգային պրակտիկայում քննադատվում է, որովհետեւ պետություններին առաջարկվում է գտնել այլ տարբերակներ: Գումարային գանձումները այլ ազդեցություն կարող են ունենալ դատական իշխանության վրա՝ վատ իմաստով ազդելով անկախության վրա»:
Կարդացեք նաև
Հռիփսիմե ՋԵԲԵՋՅԱՆ
