Լեռնային Ղարաբաղի հակամարտության կողմերից մեկին պաշտպանելու փորձերը լիովին ապակառուցողական եւ չեն կարող շարունակական լինել: Այս մասին, ըստ «EADaily»-ի, հայտարարել է ԵԱՀԿ-ում Ռուսաստանի մշտական ներկայացուցիչ Ալեքսանդր Լուկաշեւիչը:
Նա, մասնավորապես մեկնաբանել է թուրք պաշտոնյաների հայտարարությունն այն մասին, որ Անկարան Ադրբեջանին «կօգնի վերադարձնել օկուպացված տարածքները». «ԵԱՀԿ-ում այդպիսի դիրքորոշմանը չեն սատարում: Կա հստակ պատկերացում, որ այս գործընթացում երեք համանախագահները (Ռուսաստան, Ֆրանսիա եւ ԱՄՆ) կրում են հիմնական բեռը, ինչպես Մինսկի խմբի անդամները, որի կազմում է նաեւ Թուրքիան: Սակայն հիմնական դերը երեք համանախագահներինն է»:
Լուկաշեւիչը համաձայն է Լեռնային Ղարաբաղի վերաբերյալ ԵԱՀԿ Մինսկի խմբի հայտարարության հետ, որը «շատ հստակ սահմանում է այն քայլեր, որը պետք է ձեռնարկեն Բաքուն եւ Երեւանը ու հրաժարվեն փոխադարձ մեղադրանքների եւ շփման ուժային գործողություններին ռազմավարությունից: Հայտարարությունում նաեւ հույս է հայտնվում, որ Հայաստանի եւ Ադրբեջանի նախագահների դեկտեմբերին սպասվող հանդիպումը կառուցողական դեր կունենա հակամարտության գոտում լարվածության նվազեցման գործում»:
Պատրաստեց Աշոտ ԻՍՐԱԵԼՅԱՆԸ
