ՀՀ ոստիկանության պաշտոնյաները կարծում են, որ «Նոր Հայաստանի» անդամներին՝ վրան տեղադրել թույլ չտալը իրավաչափ է: Այնինչ ՄԻՊ-ը հայտարարել է, որ ցուրտ պայմաններում իրավաչափ է վրան տեղադրելը: Այս առիթով ՀՀ ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանը նկատեց. «Իրենք երեք կամ տասներեք վրանի չափով տնակ են դրել»:
Պարզաբանելով վրան թույլ չտալու վերաբերյալ հարցը՝ ՀՀ ոստիկանության իրավաբանական վարչության պետ, Հունան Պողոսյանի բնորոշմամբ՝ «վրանագետ» Հովհաննես Քոչարյանը նշեց. «Իրազեկման պայմանների մեջ վրանի մասին խոսք չի եղել նախապես: Քաղաքապետի որոշմամբ՝ վրանի տեղադրումը մերժվել է՝ հիմքում ընդունելով մշակույթի նախարարի եզրակացությունը և կարծիքը: Ուստի ոստիկանության՝ վրան տեղադրել չթույլատրելու պահանջը իրավաչափ է»:
Տաթև ՀԱՐՈՒԹՅՈՒՆՅԱՆ
