Հանրաքվեի կենտրոնական հանձնաժողովը դեկտեմբերի 13-ին արտահերթ նիստ գումարեց: Հանձնաժողովի նախագահ Տիգրան Մուկուչյանը ներկայացրեց հանրաքվեի ամփոփման որոշման նախագիծը:
Ըստ այդ նախագծի՝ հանձնաժողովը գտնում է, որ 2015 թվականի դեկտեմբեր 6-ի սահմանադրական փոփոխությունների հանրաքվեի նախապատրաստման եւ քվեարկության արդյունքում տեղի չեն ունեցել «Հանրաքվեի մասին» օրենքի եւ ընտրական օրենսգրքի այնպիսի խախտումներ, որոնք կարող էին ազդել ընտրության արդյունքի վրա: Որոշման նախագծով առաջարկվում էր հանրաքվեի դրված Հայաստանի Հանրապետության Սահմանադրության փոփոխությունների նախագիծն ընդունված համարել:
Քվեարկություն կատարվեց, հանձնաժողովի բոլոր 7 անդամները կողմ էին որոշման նախագծին: Հանրաքվեի կենտրոնական հանձնաժողովը ընդունված համարեց սահմանադրական փոփոխությունները:
Այսպիսով՝ ընդունելով այս որոշումը՝ Հանրաքվեի կենտրոնական հանձնաժողովը մերժեց ԱԺ Հայ ազգային կոնգրես խմբակցության ղեկավար Լեւոն Զուրաբյանի միջնորդությունը՝ անվավեր ճանաչել հանրաքվեի արդյունքները:
Ամի ՉԻՉԱԿՅԱՆ
Կեցցե ստի վրա հիմնված երկիրն իր սուտլիկ որսկաններով