Ուկրաինայի նախագահ Պյոտր Պորոշենկոն կողմ է Օլեգ Բարնային Գերագույն ռադայում «Պյոտր Պորոշենկոյի բլոկ» խմբակցությունից հեռացնելու որոշմանը: Ըստ նախագահի՝ վերջինս ոչ խորհրդարանական վերաբերմունք է ցուցաբերել երկրի վարչապետ Արսենի Յացենուկի դեմ: Այս մասին տեղեկանում ենք Ուկրաինայի նախագահի կայքից:
Հիշեցնենք, որ այսօր Ուկրաինայի Գերագույն ռադայում վարչապետ Արսենի Յացենուկի ելույթի ընթացքում ծեծկռտուք է սկսվել պատգամավորների միջեւ: Նրա ելույթի ընթացքում «Պյոտր Պորոշենկոյի բլոկ» խմբակցության անդամ Օլեգ Բարնան վարչապետին սեւ ժապավենով փաթաթված ծաղկեփունջ տվեց եւ փորձեց Յացենուկին հեռու տանել ամբիոնից: Դրանից հետո պատգամավորների միջեւ կռիվ սկսվեց:
https://www.youtube.com/watch?v=egAEaoA7UMM
Անդրադառնալով միջադեպին՝ Պորոշենկոն ասել է, որ իր համոզմամբ իշխանության ներկայացուցիչների նման պահվածքը չպետք է անուշադրության մատնվի եւ համապատասխան արձագանքի կարիք ունենք. «Կա նախագահի դիրքորոշումը, վարչապետին, հարգանք կառավարությանը»:
Կարդացեք նաև
«Ես սատարում եմ նրան հեռացնելու խմբակցության որոշմանը: Եթե նման կերպ չարձագանքենք այդպիսի արարքներին, ապա միասնության մասին բոլոր խոսակցություններն անկեղծ չեն լինի: Սա վկայում է այն մասին, որ խորհրդարանում եւ խմբակցությունում կա սթափ միտք»,- ընդգծել է Ուկրաինայի նախագահը:
Պատրաստեց Աշոտ ԻՍՐԱԵԼՅԱՆԸ
