Վերջին հնգամյակում 2016-ի բյուջեն ԱԺ-ում ամենաշատն է «կողմ» ձայներ ստացել։ ՀՀԿ-ից բացի, Հովիկ Աբրահամյանի կառավարության տնտեսական ծրագիրը հավանության արժանացրեց նաև ԲՀԿ-ն։ Այս խմբակցության քարտուղար Վահե Էնֆիաջյանից հարցրի, թե ինչո՞ւ հանկարծ նախկին բոլոր բյուջեները «հողին հավասարեցնելուց» հետո այս անգամ լրիվ հակառակ դիրքորոշումն են որդեգրել, այն դեպքում, որ կյանքը գնալով վատացել է։
– ԲՀԿ-ն կառավարության «ճշմարիտ» խոսքի համա՞ր է կողմ քվեարկել։ Իսկ ո՞ւր մնացին կառավարության ջանքերը, ճիգերը, որ այդ դառը իրականությունը փոխելուն պիտի միտված լինեին։ Փողոցում կանգնեցրեք յուրաքանչյուր քաղաքացու, նա Ձեզ հրաշալի կներկայացնի երկրի տնտեսական անմխիթար վիճակի իրական պատկերը։
– Այդ փաստաթղթում կան մի շարք ծրագրեր։ Կարճ ժամանակում հնարավոր չէ բոլորը ներկայացնել։ Պարզապես նախկինի համեմատ իրատեսական բյուջե է։ Կարող ենք օրինակներ էլ բերել։ Այս բյուջեում մի քանի միլիոն դրամի արժողությամբ բիոզուգարաններ չկան, անտրամաբանական խորհրդատվություններ ևս։
– Փոխարենը կան Դիլիջանի ուսումնական կենտրոնի 7 միլիոնի օճառամանները, 3 միլիոն 700 հազար դրամի խոշորացույցով հայելիներ և այլն։
Կարդացեք նաև
– Այս բյուջեն ավելի իրատեսական է (բերածս օրինակը չլսելու տալով, պնդեց պատգամավորը–Ռ.Խ.):
Ռուզան ԽԱՉԱՏՐՅԱՆ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
