Այսուհետ «Ռոստելեկոմի» ծառայությունների դիմաց Հայաստանում ոչ միայն իրավաբանական, այլ նաև ֆիզիկական անձինք կկարողանան վճարումներ իրականացնել ՎՏԲ-Հայաստան Բանկի միջոցով։
Վճարումները կիրականացվեն ՎՏԲ-Հայաստան Բանկի 67 մասնաճյուղերի դրամարկղերում, ինչպես նաև հեռահար մուտքի հնարավորության շնորհիվ։
24/7 տարբերակով վճարումներ իրականացնելու համար «Ռոստելեկոմի» բաժանորդները կկարողանան օգտվել Երևանում և մարզերում, ինչպես նաև ՎՏԲ-Հայաստան Բանկի մասնաճյուղերում տեղակայված TelCell արագ վճարային համակարգերից։
«Ռոստելեկոմը», հոգ տանելով իր բաժանորդների ժամանակի և հարմարավետության մասին, իր IP հեռախոսակապի, Ինտերնետ և Սմարթ հեռուստատեսության ծառայությունների դիմաց վճարումներ իրականացնելիս առաջարկում է օգտվել նաև ՎՏԲ-Հայաստան Բանկի «Ինտերնետ բանկ» ծառայությունից, որը հասանելի է օրվա ցանկացած ժամի աշխարհի յուրաքանչյուր ծայրից։ Բացի այդ, ամեն ամիս Բանկ այցելություններից խուսափելու համար հաճախորդները կարող են նախապես Բանկ ներկայացնել հայտ «Ռոստելեկոմի» ծառայությունների դիմաց իրենց բանկային կամ քարտային հաշվից պարբերական վճարումների հանձնարարականով։
Կարդացեք նաև
«Ռոստելեկոմը» մշտապես հոգ է տանում իր բաժանորդների մասին՝ ներկայացնելով վճարման ամենատարբեր հնարավորություններն օրվա ցանկացած ժամանակահատվածի համար։
