«Փորձում են կեղտը լվանալ եւ մաքրել ամսի 6-ի այլանդակությունները»,- այսօր Ազատության հրապարակում բացելով հանրահավաքը՝ հայտարարեց ՀԱԿ խորհրդարանական խմբակցության քարտուղար Արամ Մանուկյանը: Այսօր, հիշեցնենք, ՀԱԿ-ը Ազատության հրապարակում հանրահավաք էր հրավիրել՝ նվիրված Մարդու իրավունքների պաշտպանության միջազգային օրվան: Հանրահավաքին մասնակցում էին նաեւ Նոր Հայաստան ճակատի լիդերները: «Բացի պայքարից, մենք այլ ճանապարհ չունենք, աշխարհում կա իրավունք, որը վաստակվում է»,- շարունակեց Արամ Մանուկյանը, հավելելով, որ այս տարիների ընթացքում իշխանությունները ամեն ինչ արեցին, որպեսզի «ղաչաղներ» լինեն: Արամ Մանուկյանը չի բացառում, որ մեր հասարակության մեջ նման խաղեր առաջանան, բայց հիշեցնում է, որ մեր գենի մեջ մենք քաղաքակրթություն ենք ժառանգել: Բացի այդ, նաեւ պետություն ենք եւ պայքարն էլ այդ չափանիշների շրջանակում պիտի լինի:
Ի դեպ, հանրահավաքից հետո մեկնարկած երթը այս պահին ավարտվեց Կենտրոնական ընտրական հանձնաժողովի մոտ: Երթի մասնակիցները քաղբանտարկյալների նկարներով ազատության եւ արդարության պաստառներով եւ վանկարկումներով այս պահին էլ նույն պահանջները բարձրաձայնում են ԿԸՀ-ի շենքի մոտ:
Ոստիկանները խոստացան, որ կբացեն դեպի ԿԸՀ տանող ճանապարհը փակած ոստիկանական պատը: Երթի մասնակիցները մտադիր են մի փոքրիկ խաղաղ հանրահավաք էլ ԿԸՀ-ի դիմաց անցկացնել եւ այսօրվա ակցիան դրանով ավարտել: Վաղը երեկոյան, հիշեցնենք, Ազատության հրապարակում կրկին հանրահավաք է նախատեսվում, որի ժամանակ Ոչ-ի ճակատի լիդերները, ակնկալվում է, որ կհրապարակեն հետագա գործողությունների ծրագիրը:
Կարդացեք նաև
Նելլի ԳՐԻԳՈՐՅԱՆ
Այս “lider”ները չեն անդրադառնար որ նոյն բաները անդադար կրկնելէն ապարդիւնօրէն ժողովուրդին վստահութիւնը կը կորսնցնեն։ Մէջերնին չկայ մէկը որ քիչ մը երեւակայութիւն ունենայ եւ նոր ռազմավարութիւն փորձէ։Որքան բազմութիւն ալ հաւաքելու ըլլան երբեք պիտի չկարենան ԼՏՊ ի մակարդակին հասնիլ։ Խելօք մարդը կը հասկնայ՝ կամ կը քաշուի կամ նոր ուղիներ կը փնտռէ։