Տնտեսական մրցակցության պաշտպանության պետական հանձնաժողովի նախագահ Արտակ Շաբոյանն այսօր կառավարության նիստում հայտարարեց, որ հինգ խոշոր դեղ ներկրողների մոտ 483 անուն դեղերի շրջանում ուսումնասիրություն են արել՝ պարզելու շուկայում ո՞ր դեղերն են թանկացել:
Ըստ պարոն Շաբոյանի, «Նատալի ֆարմն» ու «Ալֆա ֆարմը» երկու անուն դեղ թանկացրել են, ինչը Արտակ Շաբոյանը բացատրեց միջազգային շուկայում դեղերի թանկացմամբ: Այսինքն՝ դեղ ներկրողները դրանք ձեռք են բերել արդեն բարձր գներով: Մասնավորապես թանկացել են սրտանոթային եւ արյան շրջանառության համար նախատեսված դեղերը:
Հիշեցնենք, որ «Նատալի ֆարմը» պատկանում է ԱԺ պատգամավոր Սամվել Ալեքսանյանին, իսկ «Ալֆա ֆարմը», ըստ որոշ լուրերի, ԱԱԾ պետ Գորիկ Հակոբյանին:
Լուսինե ԲՈՒԴԱՂՅԱՆ
