Aravot.am-ի հետ զրույցում խոսելով սահմանադրական փոփոխությունների հանրաքվեից նշեց. « Տպավորությունս հետեւյալն է՝ հանրաքվեին երկու թիմ էր մասնակցում. առաջինը իշխանությունն էր՝ իր ողջ ռեսուրսով , երկրորդը՝ ժողովուրդն էր, իր ռեսուրսի չնչին մի մասով, ընդդեմ առաջինի: Փաստացի հաղթեց ժողովուրդը, բայց իշխանությունն իր պարտությունը չընդունեց: Այս ամենը նման է Ղարաբաղյան պատերազմին, ուր հայերս փաստացի հաղթեցինք, բայց նրանք (չեմ ուզում հակառակորդի անունը տալ) այդպես էլ չընդունեցին իրենց պարտությունը: Թե ո՞րն է ելքը ստեղծված իրավիճակից և ինչ զարգացումներ կլինեն, կարծում եմ, կարելի է կռահել, նույն համեմատությունը շարունակելով և համապատասխան հետևություններ անելով: Իշխանության կողմից բացահայտ հարձակումներ չեն լինելու, քանզի իրենք գիտեն, որ պարտվել են, սակայն բազմերանգ ու բազմապիսի երբեմն աբսուրդի հասնող այսպես ասած դիվերսիաներ դեռ կլինեն»:
Ինչ վերաբերում է երիտասարդությանը, պարոն Զորիկյանի ձեւակերպմամբ. «Այսպես, թե այնպես «սահմանը» պիտի երիտասարդությունը պահի: Ժողովրդի կողմից՝ առաջադեմ հայ երիտասարդությունը, իսկ իշխանության կողմից երիդ-հետև-ողականները»:
Գոհար ՀԱԿՈԲՅԱՆ
