Դեկտեմբերի 6-ին տեղի ունեցած սահմանադրական փոփոխությունների հանրաքվեին գնահատական է տվել երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը, որը հայտարարել է, որ տեղի են ունեցել կեղծիքներ, և հանրաքվեի արդյունքները լեգիտիմ չեն:
Սրան արդեն հասցրել են հակադարձել ՀՀԿ-ականները՝ ի պատասխան Վիկտոր Սողոմոնյանի ասելով, որ 2015 թվականի հանրաքվեն անհամեմատելի է այն քվեարկությունների հետ, որ տեղի են ունեցել նախկինում, այդ թվում և՝ 2005 թվականի սահմանադրական փոփոխությունների հետ: Դա էլ ասել է ԱԺ «Հանրապետական» խմբակցության ղեկավար Վահրամ Բաղդասարյանը:
Կարո՞ղ ենք ասել, որ ՀՀԿ-ն ու Քոչարյանը կսկսեն միմյանց հասցեին մեղադրանքների հերթական «փոխհրաձգություն», ինչը մի անգամ տեղի ունեցավ տնտեսական թեմաներով, երբ դեռ Տիգրան Սարգսյանն էր վարչապետը: Դժվար է ասել իհարկե, սակայն կասկած չկա, որ նման «փոխհրաձգությունը» կլինի միանգամայն հասարակության շահերից՝ եթե Ռոբերտ Քոչարյանն ու ՀՀԿ-ն սկսեն միմյանց ինչ-որ բաներ հիշեցնել: Իսկ որ նրանք հիշեցնելու շատ բաներ ունեն, երևի թե ոչ ոք չի կասկածում:
Խնդիրը, սակայն, այն է, որ հենց այդ հիշեցնելիքն էլ արգելակ է հանդիսանում նմանօրինակ փոխադարձ մեղադրանքների ծավալման համար, քանի որ կա մի սահման, որը նրանք անցնել չեն կարող ոչ մի դեպքում, քանի որ Ռոբերտ Քոչարյանը միայնակ նախագահ չի եղել, նա եղել է նախագահ ՀՀԿ-ական մեծամասնության պայմաններում, և այն, ինչ տեղի է ունեցել Ռոբերտ Քոչարյանի նախագահական պաշտոնավարման ընթացքում, ըստ էության կրում է ՀՀԿ-ի «կնիքը»:
Կարդացեք նաև
Մուսա Միքայելյան
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
