Վաշինգտոնը կոչ է անում ղարաբաղյան հակամարտության կողմերին խուսափել բռնություններից, հայտարարել է Միացյալ Նահանգների Պետքարտուղարության խոսնակ Ջոն Քըրբին` «Ամերիկայի Ձայն»-ի հայկական ծառայության խնդրանքով մեկնաբանելով վերջին ժամանակներում հաճախակի դարձած հրադադարի խախտումները:
«Կոչ ենք անում կողմերին կիրառել բոլոր անհրաժեշտ քայլերը՝ բռնությունից խուսափելու եւ մթնոլորտը բարելավելու համար, որպեսզի սպասվող գագաթաժողովի ընթացքում բանակցություններն անցնեն բարիդրացիական մթնոլորտում», – նշել է Քըրբին:
Խորին ցավակցություն հայտնելով հրադադարի խախտման արդյունքում զոհվածների եւ վիրավորների հարազատներին՝ Քըրբին ընդգծել է, որ հրադադարի խախտումը եւ ծանր հրետանու օգտագործումը անընդունելի են.«Ցանկանում ենք նաեւ կողմերին հիշեցնել, որ այդ գրոհները հակասում են Հայաստանի եւ Ադրբեջանի նախագահների կողմից ընդունված պարտավորություններին, որոնք համաձայնել էին Լեռնային Ղարաբաղի հակամարտությունը կարգավորել խաղաղ ճանապարհով»:
Նյութի մանրամասները կարդացեք «Ամերիկայի Ձայն»-ի կայքում
