«Իրավունքի գերակայություն» ՀԿ ներկայացուցիչ Արտակ Զեյնալյանը մարդու իրավունքների խախտումների մի քանի դեպք առանձնացրեց՝ սկսելով դեկտեմբերի 6–ի հանրաքվեից. «Դեկտեմբերի 6–ի ընտրությունները ազատ եւ արդար չեն եղել, պատշաճ ձեւով չի արձանագրվել ընտրողների կարծիքը: Շատ ընտրատեղամասերում դիտորդներին թույլ չեն տվել աշխատել, ծանոթանալ ընտրությունների արդյունքներին, արձանագրություններին, ուստի այդ տեղամասերի արդյունքները պետք է ճանաչել անվավեր»:
Իրավապաշտպանը նշեց, որ ընտրական իրավունքի խախտման հետ մեկտեղ՝ խախտվել է նաեւ մարդու խոսքի ազատ արտահայտման եւ խաղաղ հանրաքվեների անցկացման իրավունքը. «Այն փաստը, որ Ազատության հրապարակում տեղի է ունենում նստացույց այսպիսի պայմաններում, եւ չի թույլատրվում տեղադրել վրան, սա եւս մարդու իրավունքի խախտում է»:
Նյութն ամբողջությամբ՝ սկզբնաղբյուր կայքում
