Aravot.am-ը «Ժառանգություն» խմբակցության պատգամավոր Թևան Պողոսյանից հետաքրքրվեց՝ ավելի արդյունավետ չէ՞ր լինի պայքարը, եթե «Ժառանգության» բոլոր ուժերը հանրաքվեի օրը կենտրոնացվեին ընտրական տեղամասերում, ոչ թե դուրս գային փողոց, պարոն Պողոսյանը պատասխանեց. «Ինչքան գիտեմ՝ բոլորն էլ ունեցել են ընտրատեղամասերում իրենց վստահված անձինք, դիտորդներին կամ հանձնաժողովի անդամներին և այդ մարդիկ տեղերում իրենց ֆունկցիան պիտի կատարեին»:
Դառնալով կոնկրետ «Ժառանգության» ներկայացուցիչներին՝ պարոն Պողոսյանը վստահեցրեց. «Բոլորն այդ ժամին չէին թողել գնացել փողոց և հնարավոր եղավ պահել: Իհարկե, չնայած ճնշումներին, այնուամենայնիվ չլքեցին ընտրատեղամասը: Ողջունելի է, որ ձևավորվում են նման քաղաքացիներ, որ կարող են կանգնել ու պայքարել մինչև վերջ: Իսկ եթե տեղերում եղել են մարդիկ, որ թողել գնացել են, դա այնքան էլ ճիշտ չէր իրենց կողմից: Ուրեմն պետք է համապատասխան պաշտոնների նրանց փոխարեն նշանակել այլ մարդկանց»:
Մեր այն հստակեցմանը, թե ընտրատեղամասերում հաշվարկ կատարելու ժամանակ «Ժառանգության» մի շարք ներկայացուցիչներ, օրինակ, Զարուհի Փոստանջյանը, Արմեն Մարտիրոսյանը փողոցում էին, ԿԸՀ-ի դիմաց, գուցե հակառակն ավելի՞ արդյունավետ պայքարի միջոց լիներ, Թևան Պողոսյանն այսպես արձագանքեց. «Օրինակ՝ Հովսեփ Խուրշուդյանը, Հրայր Մանուկյանը և այլք մնացել էին ընտրատեղամասերում: Խնդիրն այն է, որ եթե եղել են մարդիկ, որոնք վստահություն չեն ներշնչել, ուղղակի իրենց այնտեղ պահել են, միգուցե իմաստ չկար»:
Կարդացեք նաև
Տաթև ՀԱՐՈՒԹՅՈՒՆՅԱՆ
