ՀՀԿ-ական պատգամավոր Սուքիաս Ավետիսյանը, որը Շիրակի մարզի ՀՀԿ կառույցներից մեկի պատասխանատուն է, սահմանադրական փոփոխությունների ակտիվ ջատագով, ու որին բաժին էր ընկել Գյումրու երկու ընտրատեղամասեր, երկու տեղում էլ պարտություն է կրել:
Նրա պատասխանատվությունն էր հանձնված Գյումրու «Բալատոն» վարժարանում տեղակայված թիվ 34/23 ու իր կնոջ`թիվ 8-րդ մանկապարտեզում տեղակայված թիվ 34/22 ընտրատեղամասերը: Երկու տեղում էլ հաղթել է «Ոչ»-ը:
34/22 ընտրատեղամասում այս պատկերն է՝ 398 «Ոչ», 177 «Այո», իսկ 34/23-ում՝ 432 «Ոչ», 203 «Այո»:
Չնայած Գյումրին «Ոչ» է ասել սահմանադրական փոփոխություններին, այդուհանդերձ, բավական հետաքրքիր պատկեր է ստեղծվել. քանի որ այս քաղաքում մի քանի պատգամավորներ ու պաշտոնյաներ էին «Այո»-ի օգտին աշխատում, միմյանց մեջ բաժանել էին ընտրատեղամասերը, մեկը իր պատասխանատվության տակ էր վերցրել մոտ 20 ընտրատեղամաս, մյուսը՝ 4:
Կարդացեք նաև
Թե ով ինչ արդյունքներ է արձանագրել, քիչ անց:
Նունե ԱՐԵՎՇԱՏՅԱՆ
