Կիրակի օրը հայերը քվեարկեցին, որպեսզի վարչապետի լիազորություններն ավելանան։ Փոփոխություններին սատարողներն ասում են, որ սա կապահովի կայունություն, իսկ ընդդիմադիրները զգուշացնում են, որ իշխող կուսակցությունը ցանկանում է ամրապնդել իր իշխանությունը նախկին խորհրդային երկրում։ Այս մասին գրում է ամերիկյան հեղինակավոր «The New York Times» թերթը։
Եվրոպայի խորհրդի դիտորդները, իրավապաշտպան խմբերը խնդիրներ են արձանագրել ընտրացուցակներում եւ այլ խախտումների մասին են խոսում, իսկ իշխող Հանրապետական կուսակցությունը պնդում է, որ փոքր խախտումները չեն կարող ազդել արդյունքի վրա։
Փոփոխություններն ուժի մեջ կմտնեն 2017 թվականի մայիսին կայանալիք ընտրություններից հետո եւ բավականին կկրճատեն պատմականորեն հզոր նախագահի լիազորություններն ու ավելի շատ իշխանություն կտան վարչապետին եւ Ազգային ժողովին։
«The New York Times»-ը նաեւ մեջբերել է ընդդիմության այն մեղադրանքները, թե այս փոփոխություններն անհրաժեշտ էին, որպեսզի նախագահ Սերժ Սարգսյանին թույլ տան 2018 թվականին, երբ կավարտվեն իր լիազորությունները, դառնալ վարչապետ։ «Նա մի քանի անգամ հերքել է սա»,- գրում է թերթը։
Կարդացեք նաև
Պատրաստեց Աշոտ ԻՍՐԱԵԼՅԱՆԸ
