«Ճշտե՞լ ես, էտի ազատամարտիկ ա: Մեր Լենինականի տղերքն ասում են ՝ ազատամարտիկ չի: Կռված տղերքն եկել ու ասում են, որ էտի ազատամարտիկ չի»,- այսօր խորհրդարանում լրագրողների հետ զրույցում հարցերին հարցերով պատասխանեց ԱԺ ՀՀԿ խմբակցության անդամ, գեներալ-պատգամավոր Սեյրան Սարոյանը:
Լրագրողները հետաքրքրվել էին`ինչո՞ւ են ԵԿՄ վարչության նախագահ, ՀՀԿ-ական պատգամավոր Մանվել Գրիգորյանի կողմնակիցներն օրերս Ազատության հրապարակում ծեծի ենթարկել «Նոր Հայաստան» հանրային փրկության ճակատի համախոհ, ազատամարտիկ Յուրի Աթոյանին:
Լրագրողը հակադարձեց` եթե անգամ ազատամարտիկ չէ, մարդուն պետք է ծեծե՞լ: Սեյրան Սարոյանը պատասխանեց. «Իսկ դա հի՞մք ա, որ նա Մանվել Գրիգորյանի մասին ինչ ուզի խոսա: Իրան ո՞վ ա թույլ տվել, բա չի կարելի չէ՞ ազգի զորավարի մասին ինչ ուզենա խոսա: Դու ասա՝ լավ քաղաքական գործիչ չէ, էս չէ, էն չէ, ինչի՞ ես անձնապես վիրավորում»:
Դրա համար ծե՞ծ է հասնում`պնդեցին լրագրողները: «Այ մարդ, ոչ մեկին էլ ծեծ չի հասնում, ծեծը էդի վերջում ա: Մեկը մեկին հայհոյել ա, էնի բռբըռացել ա, քաշքշոց ա եղել: Ծեծ չի եղել, բրդբըրդոց ա եղել»,- բացատրեց Սեյրան Սարոյանը:
Կարդացեք նաև
Նելլի ԳՐԻԳՈՐՅԱՆ
Մեր զորավարը Մանվելն է,: էլ ինչ դարդ: Ցնծա Հայոց աշխարհ: Գողական գեներալը դարձավ Հայոց զորավար: Խե՜ղճ Անդրանիկ, խե՜ղճ Բաղրամյան: Սերժիկին էլ գեներալիսիմուս տվեք ու ամեն ինչ իր տեղում կլինի: