«Մյուս բոլոր քայլերն էլ ենք միասին անելու ու միասին ենք մեր սերունդներին թողնելու արդյունավետ պետություն»,- դեկտեմբերի 7-ին ամփոփելով սահմանադրական հանրաքվեի պաշտոնական արդյունքը՝ հայտարարել է Սերժ Սարգսյանը, նախագահական նստավայրում ընդունելով մի շարք գործիչների, պաշտոնյաների: Սերժ Սարգսյանի քայլում առաջին հերթին ուշադրություն է գրավում նրա արագ արձագանքը հանրաքվեին և հրապարակված, դեռևս նախնական արդյունքին:
Մեծ հաշվով, դեռևս չի եղել արդյունքի վերջնական ամփոփում, սակայն Սերժ Սարգսյանը հայտարարում է, որ արդեն փաստ է խորհրդարանական կառավարման մոդելի ընդունումը: Ինչպե՞ս կարող է փաստ լինել, եթե խոսքը դեռևս նախնական արդյունքի հրապարակման մասին է, և ԿԸՀ-ն չի ամփոփել հանրաքվեի արդյունքը վերջնական տվյալներով: Խնդիրն, իհարկե, այն չէ, որ վերջնական արդյունքը կտարբերվի նախնականից, ու պարզ է, որ սպասումը լինելու էր ձևական: Սակայն խնդիրը տվյալ պարագայում այն էր, որ գոնե ձևական առումով կարող էր պահպանվել տրամաբանությունն ու խորհրդարանական կառավարման մոդելը կատարված փաստ կարող էր համարվել վերջնական արդյունքի հրապարակումից հետո:
Ուրեմն ինչու՞ է Սերժ Սարգսյանը ցուցաբերել այդ շտապողականությունը և շնորհակալություն հայտնել հանրաքվեի համար այն թիմին, որն աշխատել է դրա ուղղությամբ «ուս ուսի»: Կա՛մ հանրաքվեի ընթացքը, միաժամանակ ընդդիմադիր ամուր շարժման բացակայությունը Սերժ Սարգսյանին այնպիսի ինքնավստահություն է հաղորդել, որ նա այլևս կարիք չի տեսնում անգամ ձևական ժամկետները պահպանելու հարցում, կա՛մ էլ Սերժ Սարգսյանը չնայած ձեռք բերված արդյունքին, այնուամենայնիվ տեսել է որոշակի տագնապալի գործընթացներ և հարկ է համարել անհապաղ արձագանքել՝ այսպես ասած զգոնությունը չթուլացնելու համար:
Կարդացեք նաև
Արամ Ամատունի
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
