Դեկտեմբերի 6-ին «Նոր Հայաստան» հանրային փրկության ճակատի բողոքի ակցիայի ընթացքում բերման են ենթարկվել ցուցարարներ Արտուշ Չիբուխչյանը, Արամ Մանուկյանը, Վահե Բաղդասարյանը, Մաքսիմ Սարգսյանը, Տիգրան Մազմանյան, Արսեն Չաչոյանը, Միքայել Նազարյանը և Կարո Ղուկասյանը:
Արամ Մանուկյանը Aravot.am-ին հայտնեց, որ բերման ենթարկելու պահին իրենք գտնվել են մայթի վրա, ոստիկանները առանց ինչ-որ իրավական պահանջ ներկայացնելու՝ բերման են ենթարկել. «Մենք ոչ մի ապօրինական գործողություններ թույլ չեն տվել մեզ: Կա տեսագրություն, որտեղ նրանք միանգամից հարձակվեցին մեզ վրա եւ բերման ենթարկեցին Կենտրոնի բաժին»:
Նա ասաց, որ ոստիկանության բաժնում նոր իրենց տեղեկացրել են, որ բերման են ենթարկել Վարչական օրենսգրքի 182-րդ հոդվածով՝ Ոստիկանության ծառայողի կամ զինծառայողի օրինական կարգադրությանը կամ պահանջին չարամտորեն չենթարկվելը. «Դա իրականության հետ չի համապատասխանում, որովհետեւ եթե դիմում են օրինական պահանջով, ապա դա լսելի է դառնում, այդպիսի պահանջ մենք չենք լսել: Եվ ոչ ոք չի ներկայացել, ոչ ոք չի ներկայացրել հիմքը, մի անգամից հարձակվեցին եւ բերման ենթարկեցին մեզ»:
Ամի ՉԻՉԱԿՅԱՆ
Կարդացեք նաև
Լուսանկարը՝ Արամ Մանուկյանի ֆեյսբուքյան էջից
